جوجليااااااات
كتير من الناس بخبرونا إنو أول ما يحسّوا بأي عرض نفسي بروحوا مباشرة على جوجل ويكتبوا: “عندي صداع وقلق… شو ممكن يكون؟🤔”
المشكلة إن غوغل بيعرضلك آلاف الصفحات بلا فلترة وغالبًا بتكون:
• ❌ مقالات تجارية هدفها المشاهدات.
• ❌ تجارب شخصية غير دقيقة.
• ❌ أو محتوى مضلل ممكن يزرع خوف أكبر بدل ما يساعدك.

🔴 النتيجة؟ بدل ما تطمّن بتدخل بدوامة تشخيص ذاتي😣 وبتصير مقتنع إنك عندك مرض أو اضطراب خطير😨!

⸻

💡 طيب، شو الطريقة الصح إذا بدنا نبحث عن معلومة موثوقة عن أي اضطراب؟
1. ✅ اعتمد مواقع طبية ونفسية معروفة مثل:
• منظمة الصحة العالمية (WHO).
• الجمعية الأمريكية للطب النفسي (APA).
• الدليل التشخيصي DSM أو التصنيف الدولي ICD.
2. ✅ ابحث بالمصادر الأكاديمية (Google Scholar، PubMed).
3. ✅ اقرأ من مختصين مرخصين (أطباء نفسيين، أخصائيين).
4. ✅ تذكر: البحث على الإنترنت بيعطي “معلومة عامة”، مو تشخيص شخصي… التشخيص بكون عند المختص فقط.

⸻

🔔 زبدة الكلام :
غوغل أداة قوية إذا عرفنا كيف نستخدمها بس إذا اعتمدنا عليه عشوائيًا… ممكن يضاعف قلقنا. خليك دايمًا واعي وميز بين المعلومة العامة والتشخيص المهني.

بقلم الأخصائية آية بيضون